పుష్కర కాలం వేచి ఉండాల్సిందే
ఇప్పటికే భారీగా పెండింగులో దరఖాస్తులు
అమెరికాలో శాశ్వత నివాసహక్కు కల్పించే గ్రీన్‌కార్డుకు భారతీయులు కొత్తగా దరఖాస్తు చేసుకోవాలంటే.. దాదాపు 12 ఏళ్లు ఆగాలట. 2015లో 36,138 మంది తమ స్టేట్‌సను శాశ్వత నివాస స్థాయికి అప్‌డేట్‌ చేసుకోగా, మరో 27,798 మంది కొత్తగా గ్రీన్‌కార్డులు పొందారని ప్యూ రీసెర్చ్‌ సంస్థ తెలిపింది. ప్రస్తుతం 2005 మేలో వచ్చిన దరఖాస్తులు పరిశీలిస్తున్నందున, ఇప్పటివి పరిశీలించాలంటే మరో 12 ఏళ్లు పడుతుందని భావిస్తున్నారు. కాగా, 2010 నుంచి 2014 వరకు ఉద్యోగాలకు సంబంధించిన గ్రీన్‌కార్డుల్లో 2.22 లక్షలకు పైగా హెచ్‌1బి వీసా ఉన్న వాళ్లకే ఇచ్చారని గుర్తించారు.