మనామా: ఇండియన్‌ అంబాసిడర్‌ అలోక్‌కుమార్‌ సిన్హా, ఫ్లెక్సి వర్క్‌ పర్మిట్లు ఎంతో ప్రయోజనకరంగా ఉంటాయని చెప్పారు. కింగ్‌డమ్‌లో భారతీయ కమ్యూనిటీకి అందుతున్న సేవల్ని ఈ సందర్భంగా ఆయన కొనియాడారు. ఇండియన్‌ కమ్యూనిటీకి మేలు చేసే నిర్ణయాలు కింగ్‌డమ్‌లో వెలువడటం పట్ల హర్షం వ్యక్తం చేశారాయన. లేబర్‌ మార్కెట్‌ రెగ్యులేటరీ అథారిటీ సిట్రా బ్యాంచ్‌ని అలోక్‌ కుమార్‌ సిన్హా సందర్శించారు. అక్కడ ఆయనకు నేషనల్‌ కమిటీ టు కంబాట్‌ ట్రాఫికింగ్‌ ఇన్‌ పర్సన్స్‌ ఛైర్మన్‌ అఔసామా అల్‌ అబ్సి నుంచి స్వాగతం లభించింది. అల్‌ అబ్సి, అలోక్‌కుమార్‌ సిన్హాకి పర్మిట్స్‌ పొందే విధానాన్ని వివరించారు. ఇర్రెగ్యులర్‌ ఇండియన్‌ రెసిడెంట్స్‌ ఈ అవకాశాన్ని సద్వినియోగం చేసుకోవాలని అలోక్‌కుమార్‌ సిన్హా చెప్పారు.