నందమూరి కళ్యాణ్ రామ్ హీరోగా సినిమాలు చేస్తూనే మరోవైపు నిర్మాతగానూ నిరూపించుకునే ప్రయత్నాల్లో ఉన్నాడు. అయితే తను హీరోగా నటిస్తున్న సినిమాలకు మాత్రమే నిర్మాణ బాధ్యతలు చేపడుతూ వచ్చిన కళ్యాణ్ బయటి హీరోలతో చేసిన సినిమాలు అంత సక్సెస్ కాలేదు.  దాంతో కొంత గ్యాప్ తీసుకున్న కళ్యాణ్, ప్రస్తుతం ఎన్టీఆర్ హీరోగా నటిస్తున్న చిత్రం 'జై లవకుశ' ను భారీ బడ్జెట్‌తో రూపొందిస్తున్నాడు.  ఈ సినిమాతో నిర్మాతగా సక్సెస్ సాధించాలని పట్టుదలగా ఉన్నాడు.  ఇదే సమయంలో తన చూపులు నేచురల్ స్టార్ నానీ మీద కూడా పడ్డాయి.  సక్సెస్ బాటలో పయనిస్తున్న నానీతో సినిమా చేస్తే తను కూడా నిర్మాతగా సక్సెస్ అవుతానని ఆశిస్తున్నాడు.  మరి నానీ వరుస సినిమాలతో ఫుల్ బిజీగా ఉన్నాడు. హను రాఘవపూడి, మేర్లపాక గాంధీ లాంటి దర్శకులతో సినిమాలు చేస్తున్నాడు. ఇవన్నీ పూర్తయినతరువాత కళ్యాణ్ రామ్‌ బ్యానర్‌లో చేస్తుండొచ్చు.