దుబాయ్‌: ఎమిరేటీ స్టేట్‌ టెలివిజన్‌ ఛానల్‌ విడుదల చేసిన ఓ డాక్యుమెంటరీ, ఖతార్‌ ఎలా తీవ్రవాదులకి, తీవ్రవాద సంస్థలకు మద్దతిస్తోందన్న విషయాన్ని వెలుగులోకి తెచ్చింది. అల్‌ ఇస్లా అనే నిషేధిత ఇస్లామిస్ట్‌ గ్రూప్‌కి మద్దతిస్తున్నందుకు ఏడేళ్ళ జైలు శిక్షకు గురైన ముహమౌద్‌ అల్‌ జైదా మాట్లాడిన మాటలు ఈ డాక్యుమెంటరీలో పొందుపర్చారు. ఖతార్‌ అల్‌ ఇస్లా గ్రూప్‌కి మద్దతిచ్చిందనీ, ఈ గ్రూపు సభ్యులకు హోటల్‌ అకామడేషన్స్‌ ఏర్పాటు చేసిందని ఆ డాక్యుమెంటరీలో మహమౌద్‌ అల్‌ జైదా పేర్కొన్నాడు. తీవ్రవాద సంస్థలకు, గ్రూపులకు, అలాగే ఆందోళనకారులక అవసరమైన మెటీరియల్‌ని కూడా ఖతారీ గవర్నమెంట్‌ అండిస్తోందని అల్‌ జైదా చెప్పాడు. అల్‌ ఇస్లా సభ్యులతో ఖతార్‌ సంబంధాలు ఖాలిద్‌ మొహమ్మద్‌ అబ్దుల్లా అల్‌ షైబాతో ప్రారంభమయ్యాయి. తీవ్రవాదంతో సంబంధాల నేపథ్యంలో ఖతార్‌పై పలు గల్ఫ్‌ దేశాలు ఆంక్షలు విధించాయి, ఆ దేశంతో తెగతెంపులు కూడా చేసుకోవడం జరిగింది. అయితే ఖతార్‌ ఈ విషయంలో వితండవాదం చేస్తూ వచ్చింది.