మహేశ్‌బాబు కథానాయకుడిగా నటిస్తున్న చిత్రం ‘స్పైడర్‌’. అభిమానులకు సర్‌ప్రైజ్‌గా ఈ చిత్రంలోని ‘బూమ్‌ బూమ్‌’ అనే పాట టీజర్‌ను ఆదివారం సాయంత్రం విడుదల చేశారు. పూర్తి పాటను ఆగస్టు 2న సాయంత్రం 6 గంటలకు విడుదల చేయనున్నట్లు టీజర్‌లో పేర్కొన్నారు. దీంతోపాటు మేకింగ్‌ వీడియోను కూడా విడుదల చేయబోతున్నట్లు తెలిపారు. ఎ.ఆర్‌. మురుగదాస్‌ ‘స్పైడర్‌’కు దర్శకత్వం వహిస్తున్నారు. రకుల్‌ప్రీత్‌ సింగ్‌ కథానాయిక. ఎస్‌.జె. సూర్య ప్రతినాయకుడి పాత్ర పోషించారు. హ్యారిస్‌ జైరాజ్‌ స్వరాలు సమకూరుస్తున్నారు. ఒక్క పాట మినహా మొత్తం షూటింగ్‌ పూర్తైంది. తెలుగు, తమిళ భాషల్లో సెప్టెంబరు 27న చిత్రాన్ని ప్రేక్షకుల ముందుకు తీసుకువస్తున్నారు.