అబుదాబీ: ఖతార్‌తో సంబంధాలు తెంచుకున్న నాలుగు దేశాలు, ఖతారీ విమానాల కోసం 9 ఎమర్జన్సీ కారిడార్లను గుర్తించాయి. యూఏఈ, సౌదీ అరేబియా, బహ్రెయిన్‌ మరియు ఈజిప్టుకి చెందిన ఏవియేషన్‌ అథారిటీస్‌తోపాటుగా, ఇంటర్నేషనల్‌ సివిల్‌ ఏవియేషన్‌ ఆర్గనైజేషన్‌ (ఐఎసిఓ) సంయుక్తంగా ఈ నిర్ణయం తీసుకున్నాయి. యూఏఈ సివిల్‌ ఏవియేషన్‌ అథారిటీ వర్గాల సమాచారం ప్రకారం రీజినల్‌ ఏవియేషన్‌ సేఫ్టీలో భాగంగా ఈ నిర్ణయం తీసుకున్నట్లు తెలియవస్తోంది. ఎంపిక చేసిన తొమ్మిది కారిడార్లలో ఒకటి అంతర్జాతీయ ఎయిర్‌ స్పేస్‌ కూడా ఉంది. మెడిటేరియన్‌ సీ మీదుగా సాగే ఈ కారిడార్‌ని ఈజిప్టియన్‌ అథారిటీస్‌ మానిటర్‌ చేస్తాయి.