- వచ్చే ఏడాది జనవరి1 నుంచి అమల్లోకి 
ఈ-వీసా విధానానికి రష్యా శ్రీకారం చుట్టింది. ఆన్‌లైన్‌ విధానం ద్వారా కేవలం మూడు రోజుల్లోనే వీసా సౌకర్యం కల్పించనున్నట్టు మినిస్ట్రీ ఫర్‌ ద డెవలప్‌మెంట్‌ ఆఫ్‌ ఈస్టర్న్‌ రీజియన్స్‌ సంస్థ సోమవారం తెలిపింది. వచ్చే ఏడాది జనవరి1 నుంచి ఈ విధానాన్ని అమల్లోకి తీసుకురానున్నట్టు తెలిపింది. తద్వారా, రష్యాలో వీసా కోసం దరఖాస్తు చేసుకోనున్న బ్రూనై, ఇండియా, చైనా, ఉత్తర కొరియా, మెక్సికో, సింగపూర్‌, జపాన్‌, అల్జీరియా, బహ్రెయిన్‌, ఇరాన్‌, ఖతార్‌, కువైట్‌, మొరాకో, యూఏఈ, ఒమాన్‌, సౌదీ అరేబియా, తునీషియా దేశాలకు చెందిన విద్యార్థుల వీసా ఇక్కట్లు తీరతాయని తెలిపింది. అయితే, ఈ-వీసాకు కేవలం 30 రోజులు మాత్రమే కాలపరిమితి ఉంటుందని అధికారులు తెలిపారు. ఈ-వీసా విధానం ద్వారా రష్యాకు పర్యాటకుల తాకిడి పెరిగి పర్యాటక రంగం అభివృద్ధి అయ్యే అవకాశముందని ఆ శాఖ డిప్యూటీ మంత్రి పావెల్‌ వోల్కోవ్‌ ఆశాభావం వ్యక్తం చేశారు.