బాలీవుడ్ స్టార్ హీరో హృతిక్ రోషన్ స్పోర్ట్స్ పర్సన్ గా వసూళ్లబరిలో దిగి, సూపర్ థ్రిల్లింగ్ హిట్ కొట్టడానికి ప్రిపేర్ అవుతున్నాడు. అయితే అమీర్ ఖాన్, సల్మాన్ ఖాన్ లు మల్లయోధులుగా మారి బాక్సాఫీస్ తో ఫైట్ చేశారు. మరి హృతిక్ రోషన్ ఏ గేమ్ ఆడబోతున్నాడో తెలుసుకోవాలంటే... వివరాల్లోకి వెళ్ళాల్సిందే..! 

హృతిక్ రోషన్ కాబిల్ లో బ్లైండ్ పర్సన్ గా యాక్ట్ చేసి విమర్శకుల ప్రశంషలు అందుకున్నా, కమర్షియల్ గా సక్సెస్ కొట్టలేకపోయిన హృతిక్ ఇప్పుడు వైవిధ్యమైన కథలకు సైన్ చేస్తున్నాడు. ఓం ప్రకాశ్ మెహతా దర్శకత్వంలో కబడ్డీ ఆడ్డానికి సిద్ధం అవుతున్నాడు. ప్రో కబడ్డీ లీగ్ తో ఇండియాలో కబడ్డీ ఫీవర్ మొదలైంది. ఆ క్రేజ్ ను క్యాష్ చేసుకుంటూ హృతిక్ కబడ్డీ కూతకు ట్రైనింగ్ తీసుకుంటున్నాడు. దీంతో హృతిక్ స్పోర్ట్స్ ప్లేయర్ గా మారుతున్నాడు.