సౌదీ రెలీజియస్‌ పోలీస్‌ - రియాద్‌ హెడ్‌ క్వార్టర్స్‌పై దాడి జరిగింది. కొందరు వ్యక్తులు ఈ దాడికి తెగబడ్డారు. ఈ ఘటనలో ఎవరికీ గాయాలు కాలేదు. కాసిమ్‌ ప్రావిన్స్‌కి చెందిన రెలిజియస్‌ పోలీస్‌ చీఫ్స్‌లో ఒకరైన ఫాహద్‌ అల్‌ ఖుదైర్‌ అల్‌ అఫాలెక్‌ని కొందరు దుండగులు హతమార్చిన ఘటన గత వారంలో జరిగింది. అనంతరం రియాద్‌లో దాడి జరగడంతో ఆందోళన వ్యక్తమవుతోంది. అల్‌ అఫాలెక్‌ శరీరంలోకి రెండు బుల్లెట్లు దూసుకుపోగా, ఆయన నివసిస్తున్న ఇంటికి దుండగులు నిప్పు కూడా అంటించారు. ఆధారాల్లేకుండా చేసేందుకే దుండగులు ఈ దుశ్చర్యకు పాల్పడ్డారు.