దుబాయ్‌కి చెందిన ఎమిరేట్స్‌ ఎయిర్‌లైన్‌, ఈద్‌ అల్‌ అదా సెలవుల సందర్భంగా ఆకర్షణీయమైన ఫేర్‌ ఆఫర్స్‌ని వినియోగదారుల ముందుంచుతోంది. ఎమిరేట్స్‌ నెట్‌వర్క్‌ పరిదిలో ఆగస్ట్‌ 7 నుంచి ఆగస్ట్‌ 19 వరకు బుక్‌ చేసుకుంటే డిసెంబర్‌ 13 వరకు అద్భుతమైన ఆఫర్లతో తక్కువ ధరకే ప్రయాణించే వీలు కలుగుతుంది. విమాన ప్రయాణం 910 దిర్హామ్‌ల నుంచి ప్రారంభమవుతుంది ఈ ఆఫర్‌ కింద. ముంబై 910, బీరుట్‌ 940, అమ్మాన్‌ 990, కైరో 1,290, కొలంబో 1,310, బ్యాంకాక్‌ 2,090, హనోయ్‌ 2,470, 3,410 మారిషస్‌, లాస్‌ఏంజిల్స్‌ 4,950 దిర్హామ్‌లకు టిక్కెట్లను కొనుగోలు చేయొచ్చు. ఇవి ఎకానమీ క్లాస్‌ విమానాలు. అదే బిజినెస్‌ క్లాస్‌ విమానాలైతే ముంబై 3,300, పుకెట్‌ 10,150, మారిషస్‌ 10,570, తైపీ 11,400 దిర్హామ్‌లు మరికొన్ని డెస్టినేషన్లకు కూడా మెరుగైన ఆఫర్లు అందుబాటులోకి రానున్నాయి. ఇంకెందుకు ఆలస్యం, ఈ ఆఫర్లను సొంతం చేసుకుని, సెలవుల సీజన్‌ని ఎంజాయ్‌ చేసెయ్యండి.