అన్ని సౌదీ విమానాశ్రయాల్నీ ఈ ఏడాది ప్రైవేటీకరణ చేయనున్నట్లు జనరల్‌ అథారిటీ ఫర్‌ సివిల్‌ ఏవియేషన్‌ (జిఎసిఎ) అబ్దుల్‌ హకీమ్‌ అల్‌ తమిమి చెప్పారు. ప్రయాణీకులకు అందే సౌకర్యాల్ని మరింత మెరుగుపర్చడం, అలాగే టార్గెట్‌ చేయబడ్డ సెక్టార్లలో మరింత లాభాదయకమైన విధానాల్ని అవలంభించడం వంటి ఆలోచనలతోనే ప్రైవేటీకరణకు ముందడుగు పడినట్లు ఆయన వివరించారు. మూడు విధానాల్లో ఈ ప్రైవటీకరణ జరుగుతుంది. కింగ్‌ ఖాలెద్‌ ఇంటర్నేషనల్‌ ఎయిర్‌పోర్ట్‌కి సంబంధించి అనుసరించినది మొదటి విధానం కాగా, రెండోది ఆపరేషన్‌ మరియు మెయిన్‌టెనెన్స్‌కి సంబంధించి ఉద్దేశించినది. కింగ్‌ అబ్దుల్‌ అజీజ్‌ ఇంటర్నేషనల్‌ ఎయిర్‌పోర్ట్‌ని ఈ విధానంలో ప్రైవైటీకరణ చేశారు. మూడో విధానం, బిల్ట్‌ ఆపరేట్‌ మరియు ట్రాన్స్‌ఫర్‌ పద్ధతి. క్రమక్రమంగా ఈ ఏడాది చివరి నాటికి అన్ని విమానాశ్రయాల్లో ప్రైవటీకరణ చేస్తారు.