దంగల్‌.. భారత సినీ చరిత్రలోనే 2వేల కోట్ల కలెక్షన్లు దాటిన సినిమాగా చరిత్ర సృష్టించింది. భారత్‌తో పాటు.. చైనాలోనూ.. దంగల్‌ దుమ్మురేపింది. ప్రపంచవ్యాప్తంగా ఈ సినిమాను కోట్లాది మంది చూసి ప్రశంసించారు. ఈ 71వ స్వాతంత్ర్య సంబరాల్లో దంగల్‌కు మరో అరుదైన రికార్డు నమోదు చేసుకోనుంది. అదేంటంటే ప్రపంచ టూరిజం డెస్టినేషన్‌ దుబాయ్‌లో.. దంగల్‌ రెడీ అవుతోంది. 
దుబాయ్‌లో ఉంటున్న భారతీయులు.. ఈ సారి 70వ స్వాతంత్ర్య సంబరాలను ఘనంగా జరుపుకోనున్నారు. ఈ సంబరాల కోసం దుబాయ్ లో ఉండే తెలుగు వారు ఓ అత్యద్భుతమైన కేక్‌ను తయారు చేయిస్తున్నారు. ఇండియన్ స్పోర్ట్స్ స్పిరిట్ నింపిన  దంగల్ కేక్. దీనికోసం దాదాపు 25 లక్షలు ఖర్చు పెడుతున్నారు. జీవకళ ఉట్టిపడేలా ఉన్న ఈ కేకు దాదాపు 54 కిలోలు ఉంటుంది. ఇది  ప్రపంచంలోనే అత్యంత ఖరీదైన కేక్ అంటున్నారు దీని తయారీదారులు.