సూపర్‌స్టార్‌ మహేశ్‌బాబు 25వ చిత్రం ప్రారంభమైంది. ఈరోజు కృష్ణాష్టమిని పురస్కరించుకుని పూజా కార్యక్రమాలు నిర్వహించారు. కార్యక్రమంలో దేవిశ్రీ ప్రసాద్‌, దిల్‌రాజు, మహేశ్‌ సతీమణి నమ్రత శిరోద్కర్‌, పిల్లలు గౌతమ్‌, సితార పాల్గొన్నారు.
ఈ చిత్రానికి వంశీ పైడిపల్లి దర్శకత్వం వహిస్తారు. అశ్విని దత్‌, దిల్‌రాజు సంయుక్తంగా ఈ సినిమాని నిర్మించనున్నారు. అశ్విని దత్‌ నిర్మాతగా వ్యవహరించిన 'రాజకుమారుడు' చిత్రంతో మహేశ్‌ కథానాయకుడిగా వెండితెరకు పరిచయమయ్యారు. ఈ చిత్రానికి దేవిశ్రీ ప్రసాద్‌ స్వరాలు సమకూరుస్తున్నారు. ప్రస్తుతం మహేశ్‌ ఏ.ఆర్‌ మురుగదాస్‌ దర్శకత్వంలో 'స్పైడర్‌', కొరటాల శివ దర్శకత్వంలో 'భరత్‌ అనే నేను' చిత్రాలతో బిజీగా ఉన్నారు.