కువైట్‌ మునిసిపాలిటీ డైరెక్టర్‌ జనరల్‌ ఇంజనీర్‌ అహ్మద్‌ అల్‌ మన్‌ఫౌహి, కోస్ట్‌ లైన్‌లో వ్యాపారాలకు సంబంధించి కమర్షియల్‌ లైసెన్సులు మంజూరు చేయరాదని ఆదేశాలు జారీ చేశారు. ఇప్పటికే ఉన్న లైసెన్సుల్ని పునరుద్ధరణకు కూడా వీలు లేకుండా అహ్మద్‌ స్పష్టం చేశారు. కార్‌ షోరూమ్స్‌, రెస్టారెంట్స్‌, కమర్షియల్‌ మరియు ఎంటర్‌టైన్‌మెంట్‌ యాక్టివిటీస్‌ అదే విధంగా హోటల్స్‌ వంటివి ఈ విభాగంలో ఉన్నాయి. కార్లకు సంబంధించిన కార్యాలయాలు తగిన లైసెన్సుల్ని పొందకుండానే అదనంగా స్థలాల్ని వినియోగించుకుంటున్నాయనీ, అలాగే లైసెన్స్‌ పొందిన కమర్షియల్‌ షాప్స్‌ కూడా ఉల్లంఘనలకు పాల్పడుతున్నాయని అధికారులు ఓ నిర్ణయానికి వచ్చి కొత్త నిబంధనల్ని తెరపైకి తీసుకురావడం జరిగింది.