అరేబియన్‌ గల్ఫ్‌ వ్యాప్తంగా ఉష్ణోగ్రతలు తారాస్థాయికి చేరుకుంటున్నాయి. 51 డిగ్రీల ఉష్ణోగ్రతకు తోడు, హ్యుమిడిటీ కారణంగా వేడి తీవ్రత 66 డిగ్రీల భావన కలగజేస్తోంది. ఈ కారణంగా పెంపుడు జంతువులు తీవ్ర అనారోగ్యం బారిన పడి, ప్రాణాలు కోల్పోయే అవకాశం ఉందని నిపుణులు హెచ్చరిస్తున్నారు. వెటరినరీ అడ్వయిజర్‌, అమెరికన్‌ సొసైటీ ఫర్‌ ప్రివెన్షన్‌ ఆఫ్‌ క్రూయల్టీ టు యానిమల్స్‌ ఎస్‌పిసిఎ డాక్టర్‌ లైలా మిల్లర్‌ మాట్లాడుతూ, మనుషుల్లా డాగ్స్‌ మరి క్యాట్స్‌ ఉష్ణోగ్రతల్ని శరీరం నుంచి బయటకు పంపలేవని, వేడి తీవ్రత కారణంగా హీట్‌స్ట్రోక్‌కి గురవడం, క్షణాల్లోనే ప్రాణాలు కోల్పోవడం కూడా జరగొచ్చని తెలిపారు. పోర్టబుల్‌ ఎవరాపరేటివ్‌ కూలర్స్‌ ద్వారా జంతువులకు సంరక్షణ కల్పించవచ్చునని నిపుణులు సూచించడం జరుగుతోంది. మధ్యాహ్నం 12 గంటల నుంచి 3 గంటల మధ్య పెట్స్‌ బయటకు రాకుండా చూసుకోవాలని వారు తెలిపారు.