మనామా: బహ్రెయిన్‌ హెల్త్‌ మినిస్ట్రీ, కింగ్‌డమ్‌కి వచ్చే విదేశీయులకు మెడికల్‌ చెకప్స్‌ తప్పనిసరి అని స్పష్టం చేసింది. ఆయా దేశాల్లోని జిసిసి స్టేట్స్‌ అప్రూవ్‌ చేసిన కేంద్రాల్లో ఈ పరీక్షలు చేయించుకోవాల్సి ఉంటుంది వలసదారులు. గత డిసెంబర్‌లో బహ్రెయిన్‌లో జరిగిన జిసిసి లీడర్స్‌ సుప్రీం కౌన్సిల్‌లో తీసుకున్న నిర్ణయం మేరకు ఈ నిబంధన అమల్లోకి తెచ్చినట్లు మినిస్ట్రీ పేర్కొంది. ఎలక్ట్రానిక్‌ లింకేజ్‌ ద్వారా వలసదారుల ఆరోగ్య పరిస్థితికి సంబంధించిన సంపూర్ణ సమాచారం అప్‌డేట్‌ చేయబడ్తుందని అధికారులు తెలిపారు. అయితే రిక్రూట్‌మెంట్‌ ఏజెన్సీలు ఈ నిబంధన విషయంలో కొంత పునరాలోచన చేయాలని విజ్ఞప్తి చేస్తున్నాయి. పూర్తి ఆరోగ్యంతో ఉన్నవారిని ఎంపిక చేయడం ద్వారా ఇతరత్రా సమస్యలు వచ్చే అవకాశం తగ్గుతుందన్నది అధికార వర్గాల వాదనగా కనిపిస్తోంది. అనారోగ్య సమస్యలతో కార్మికులు ప్రాణాలు కోత్పోతుండడం వల్ల ఇబ్బందికర పరిస్థితులు తలెత్తుతున్నాయి. ఈ కారణంగానే ఈ నిబంధన తప్పనిసరి చేశారు.