యూఏఈలో సెప్టెంబర్‌ లోపు వ్యాట్‌ చట్టాలను అమల్లోకి తీసుకొచ్చే అవకాశం ఉందని సీనియర్‌ అధికారి చెప్పారు. ఫెడరల్‌ ట్యాక్స్‌ అథారిటీ డైరెక్టర్‌ జనరల& ఖాలిద్‌ అలి అల్‌ బుస్తాని మాట్లాడుతూ, సరికొత్త ట్యాక్స్‌ సిస్టమ్‌ ద్వారా దేశ అభివృద్ధిలో కీలకమైన ముందడుగు త్వరలో పడబోతోందని చెప్పారు. జిసిసిలోని మిగతా దేశాలతో కలిసి యూఏఈ 5 శాతం వ్యాట్‌ని వచ్చే ఏడాది జనవరి నుంచి ప్రవేశపెట్టనుంది. పొగాకు ఉత్పత్తులపై 100 శాతం ట్యాక్స్‌, ఎనర్జీ డ్రింగ్స్‌పై 50 శాతం ట్యాక్స్‌ ద్వారా రెవెన్యూస్‌ని పెంచుకునే పద్ధతులకు శ్రీకారం చుట్టడం జరిగింది.