కేంద్రంలో అధికారం లో ఉన్న భారతీయ జనతా పార్టీ.. దక్షిణాది రాష్ట్రాల్లో కూడా పట్టుసాధించాలని భావిస్తున్నది. ఈ నేపద్యంలో సినీ గ్లామర్ కు వలవేసే ప్రయత్నాలను ఇప్పటి నుంచే మొదలు పెట్టింది. 2019 లో జరగబోయే ఎన్నికల్లో సినీ గ్లామర్  కోసం తమ పావులను కదుపుతున్నది. వచ్చే ఎన్నికల్లో తమ పార్టీ నుంచి ఇద్దరు సినీ ప్రముఖులను ఎన్నికల బరిలో నిలిపే దిశగా అడుగులు వేస్తున్నట్లు తెలుస్తోంది. ప్రముఖ నటి, బుల్లి తెర ఫ్యామిలీ షోకి వ్యాఖ్యాతగా చేసిన జీవితా రాజశేఖర్ తో పాటు.. ప్రముఖ నటుడు మూవీ ఆర్టిస్టు అసోసియేషన్ అధ్యక్షుడు శివాజీరాజా కు వచ్చే ఎన్నికల్లో తమ పార్టీ నుంచి టికెట్లు ఇస్తున్నట్లు వార్తలు వినిపిస్తున్నాయి. వీరికి నెక్స్ట్ ఎలక్షన్లో బీజేపీ టికెట్స్ దక్కడం ఖాయం. కాగా ఏ నియోజక వర్గం నుంచి అనేది మాత్రం తెలియాల్సి ఉన్నది. శివాజీ రాజా తాను వచ్చే ఎన్నికల్లో బీజేపీ నుంచి పోటీ చేయనున్నట్లు ఇప్పటికే ప్రకటించాడు. అంతేకాదు. బీజేపీ లో మరికొంతమంది ప్రముఖులను చేర్చుకొనేలా బీజేపీ పార్టీ జాతీయ అధ్యక్షుడు అమిత్ షా తన ప్రయత్నాలను ముమ్మరం చేసినట్లు తెలుస్తోంది.