నేషనల్‌ సెంటర్‌ ఆఫ్‌ మిటియరాలజీ అండ్‌ సెస్మాలజీ (ఎన్‌సిఎంఎస్‌) వెల్లడించిన వివరాల ప్రకారం రానున్న రెండు రోజుల్లో ఉష్ణోగ్రతలు తీవ్రతరమవనున్నట్లు తెలియవస్తోంది. మోస్తరు నుంచి కాస్త ఎక్కువగా గాలులు కూడా వీచే అవకాశం ఉంది. ఈ గాలుల కారణంగా ఇసుక దుమారం చెలరేగనుంది. వేడితోపాటుగా గాలిలో తేమ శాతం పెరిగి ఇబ్బందికర పరిస్థితులు ఏర్పడనున్నాయి. కొన్ని చోట్ల ఫాగ్‌ కూడా ఏర్పడవచ్చు. సముద్రం కొంత మోడరేట్‌గా ఉండొచ్చు. 14 నుంచి 26 కిలోమీటర్ల వేగంతో గాలులు వీచే అవకాశం ఉంది. ప్రస్తుతానికి అత్యధికంగా యూఏఈలో 48.3 డిగ్రీల సెంటీగ్రేడ్‌ నమోదు కాగా, అత్యల్పంగా 24.7 డిగ్రీల సెంటీగ్రేడ్‌ నమోదయ్యింది.