ఉపరాష్ట్రపతి వెంకయ్యనాయుడు ఈ నెల 26న తెనాలి రానున్నారు. ఈ మేరకు ఆయన కార్యాలయం నుంచి అధికారిక సమాచారాన్ని అందుకున్న జిల్లా కలెక్టర్‌ కోన శశిధర్‌, జిల్లా గ్రామీణ ఎస్పీ అప్పలనాయుడు శనివారం తెనాలి వచ్చారు. హెలిపాడ్‌ల నిర్మాణానికి అనువైన స్థలాలను పరిశీలించారు. అనంతరం వారు మాట్లాడుతూ మాజీ మంత్రి ఆలపాటి వెంకట్రామయ్య శతజయంతి సభలో పాల్గొనేందుకు ఉపరాష్ట్రపతి తెనాలి వస్తున్నట్లు చెప్పారు. ఆయనతోపాటు గవర్నర్‌ వచ్చే అవకాశముందన్నారు. కార్యక్రమ నిర్వాహకురాలు, మాజీ ఎమ్మెల్యే డాక్టర్‌ గోగినేని ఉమతో మాట్లాడి కార్యక్రమ వివరాలు అడిగి తెలుసుకున్నారు.