బుల్లితెర మెగాస్టార్ గా ఓ రేంజ్ లో పాపులరైన ప్రభాకర్.. వెండి తెరపై చిన్న చిన్న పాత్రల్లో అప్పుడప్పుడు కనిపిస్తుండేవాడు.. ప్రభాకర్ నటుడు, నిర్మాత, కధా రచయిత, స్క్రీన్ ప్లే, దర్శకత్వం మల్టీ టాలెంటెడ్ పర్సన్. కాగా వెండి తెరపై మెగా ఫోన్ పట్టి దర్శకుడి గా తన సత్తా చాటాలని ఎప్పటి నుంచో ప్రయత్నాలు చేస్తూనే ఉన్నాడు.. ఈ నేపద్యంలో ప్రభాకర్ గీతా ఆర్ట్స్, యువీ క్రియెషన్స్ స్టూడియో గ్రీన్ కలయిక లో బన్నీ వాసు నిర్మాణ సారధ్యంలో ఏర్పాటైన 'వీ4 క్రియెషన్స్ బ్యానర్' లో దర్శకుడి గా సినిమా చేసే అవకాశం దక్కించుకొన్నాడు. ఆది సాయికుమార్ హీరోగా వైభవి హీరోయిన్ గా తెరకెక్కుతున్న ఈ సినిమాకి "నెక్స్ట్ నువ్వే" అనే టైటిల్ ను ఖరారు చేశారు. తమిళం హిట్ మూవీ "యామిరుక్కు భయమే" ను రీమేక్ గా తెరకెక్కిస్తున్నారు. సరదాగా సాగిపోయే ఈ హర్రర్ కామెడీ సినిమా డేట్ ను ప్రకటించి అందరికీ షాక్ ఇచ్చాడు.. ఈ దసరాకు 'నెక్స్ట్ నువ్వే 'రానున్నది అని చిత్ర యూనిట్ ప్రకటించింది. కాగా ఈ సారి దసరాకు ఎన్టీఆర్ 'జై లవకుశ', మహేష్ బాబు 'స్పైడర్' లు రిలీజ్ అవుతున్నాయి. ఇటువంటి టాప్ మూవీస్ కు పోటీగా ప్రభాకర్ తన సినిమాను రిలీజ్ చేయడం సాహసం అని టాలీవుడ్ టాక్.. అంతేకాదు... ఈ సినిమాలకు తోడు రామ్ తాజా సినిమా ఉన్నది ఒకటే జిందగీ' సినిమాకూడా దసరాకు రిలీజ్ కానున్నది.. మరి ఈ సినిమాల మధ్య ప్రభాకర్ 'నెక్స్ట్ నువ్వే'కు థియేటర్స్ దొరుకుతాయా అన్న సందేహాలతో పాటు.. ఈ భారీ సినిమాల మధ్య తన సినిమా పోటీగా రిలీజ్ చేసి.. చిన్న సినిమాలు ఊహించని ఘన విజయం సాధిస్తున్న నేపద్యంలో ప్రభాకర్ అదే సెంటిమెంట్ రిపీట్ చేస్తాడా అని కూడా వ్యాఖ్యానిస్తున్నారు.