సిరియాలోని డిర్‌ ఎల్‌ జోర్‌ పట్టణంపై రష్యా బాంబుల వర్షం కురిపించింది. రష్యా యుద్ధ విమానాలు చేసిన ఈ మెరుపు దాడిలో దాదాపు 200 మంది మిలిటెంట్లు హతమయ్యారు. ఈ మేరకు రష్యా ఓ అధికారిక ప్రకటన విడుదల చేసింది. సిరియా సేనలకు సహకారంగా రష్యా.. డిర్‌ ఎల్‌ జోర్‌ నగరంలోని ఐసిస్‌ తీవ్రవాదుల స్ధావరాలను ముక్కలు చేసి, వారిని మట్టుబెట్టినట్లు పేర్కొంది.

ఆగష్టు నెలలో ఇప్పటివరకూ 800 ఉగ్రవాదులను రష్యా బలగాలు అంతమొందించాయని చెప్పింది. అంతర్యుద్ధం జరగుతున్న ప్రదేశానికి ఐసిస్‌ తీవ్రవాదులు వెళ్లకుండా అడ్డుకుంటున్నామని తెలిపింది. మోసుల్‌, రక్కా నగరాలపై అమెరికా, రష్యా సేనలు పట్టు సాధించిన అనంతరం డిర్‌ ఎల్‌ జోర్‌ నగరానికి పెద్ద ఎత్తున ఉగ్రవాదులు తరలివచ్చారు.