మహేశ్ బాబు ఫ్యాన్స్‌కు గుడ్ న్యూస్ అన్నారు ఏంటా అనుకుంటున్నారా? స్పైడర్ మూవీలో మరో సాంగ్ రిలీజ్ చేయబోతోంది చిత్ర యూనిట్. టాలీవుడ్ సూపర్‌స్టార్‌ మహేష్ బాబు హీరోగా ఏఆర్ మురుగదాస్ దర్శకత్వంలో తెరకెక్కుతున్న స్పైడర్ మూవీలోని మరో పాటను చిత్ర యూనిట్ రిలీజ్ చేయబోతోంది. రకుల్‌ ప్రీత్‌ సింగ్‌ హీరోయిన్‌గా నటిస్తున్నఈ సినిమాకు సంబంధించి ఇటీవలే బూమ్ బూమ్ అనే సాంగ్‌ను రిలీజ్ చేశారు. దీనికి మంచి రెస్పాన్స్ వచ్చింది. త్వరలో మరో పాటను రిలీజ్ చేసేందుకు సన్నాహాలు చేస్తున్నట్టు తెలుస్తోంది. సరైనోడు సినిమా టైటిల్ సాంగ్‌తో ప్రేక్షకులను ఆకట్టుకున్న బ్రిజేశ్ శాండిల్య ఈ పాటను కూడా పాడినట్టు సమాచారం. పుచ్చకాయ పుచ్చకాయ అనే లిరిక్‌తో వెరైటీగా ఈ పాట ఉంటుందని టాక్. స్పైడర్‌ సినిమాకు హ్యారిస్ జైరాజ్ సంగీతం అందిస్తున్నారు.