మహిళా పర్యాటకురాలొకరు, తన స్నేహితులతో కలిసి అక్రమ సంబంధం కొనసాగిస్తున్న ఆరోపణల నేపథ్యంలో న్యాయస్థానం యెదుట విచారణకు హాజరవడం జరిగింది. ఆమె తనతో కలిసి ఉంటున్న సహచరులతో లైంగిక చర్యలకు పాల్పడుతున్నట్లు అభియోగాలు మోపబడ్డాయి. విచారణ సందర్భంగా అబుదాబీ కోర్ట్‌ ఆఫ్‌ ఫస్ట్‌ ఇన్‌స్టాన్స్‌ ప్రిసైడింగ్‌ జడ్జి, ఆ మహిళను పలు అంశాలపై ప్రశ్నించారు. పెళ్ళి కాకుండా ఇలాంటి అక్రమ లైంగిక కార్యకలాపాలకు పాల్పడటం యూఏఈలో చట్టవిరుద్ధమని తెలియదా? అని ప్రశ్నించగా, ఆరోపణలు ఎదుర్కొంటున్న మహిళ తనపై మోపబడ్డ అభియోగాలను తీవ్రంగా ఖండించింది. మంగళవారం విచారణ ప్రారంభం కాగా, తదుపరి విచారణను సెప్టెంబర్‌ 6వ తేదీకి న్యాయస్థానం వాయిదా వేసింది.