నార్తరన్‌ గవర్నరేట్‌ పరిధిలోని సల్మాబాద్‌ ప్రాంతంలోగల ఓ వేర్‌ హౌస్‌లో భారీ అగ్ని ప్రమాదం చోటు చేసుకుంది. అక్కడ ఇన్‌ఫ్లేమబుల్‌ ఐటమ్స్‌ని స్టోర్‌ చేసినట్లుగా తెలియవస్తోంది. ఈ ప్రమాదంలో ఇప్పటిదాకా ప్రాణ నష్టంపై ఎలాంటి సమాచారం లేదు. సివిల్‌ డిఫెన్స్‌ ఫైర్‌ ఫైటర్స్‌ సమాచారం అందుకోగానే ఘటనా స్థలికి చేరుకుని, సహాయక చర్యలు ముమ్మరం చేశారు. మంటల్ని ఆర్పివేసేందుకు ప్రయత్నించారు. ప్రమాదం 12.47 నిమిషాలకు చోటుచేసుకోగా కేవలం ఏడు నిమిషాల్లోనే 12 వాహనాలతో కూడిన అధికార బృందం అక్కడికి చేరుకుంది. 45 మంది ఫైర్‌ ఫైటర్స్‌ అగ్ని కీలల్ని ఆర్పివేయడంలో కృషి చేశారు. సమీపంలో ఉన్న భవనాలకు మంటలు వ్యాపించకుండా చేయగలిగారు. దాంతో పెను ప్రమాదం తప్పినట్లయ్యింది. అగ్ని ప్రమాదానికి గల కారణాలు తెలియవలసి ఉంది.