యాకూబ్ అలీ దర్శకత్వంలో రూపుదిద్దుకున్న 'వెళ్ళిపోమాకే' చిత్రాన్ని ముందు మాట ఇచ్చినట్టుగానే 'దిల్' రాజు ప్రపంచవ్యాప్తంగా విడుదల చేయబోతున్నారు. విశ్వక్సేన్ సహా ఏడెనిమిది మంది కీలక పాత్రలు పోషించిన ఈ ఫీల్ గుడ్ లవ్ స్టోరీ తనకెంతో నచ్చిందని దిల్ రాజు చెప్పారు. యాకూబ్ అలీ రామానాయుడు స్టూడియోలో దర్శకత్వశాఖలో శిక్షణ తీసుకోగా, హీరో విశ్వక్సేన్ అనుపమ్ ఖేర్ ఫిల్మ్ ఇన్ స్టిట్యూట్‌లో శిక్షణ పొందాడు. ఇక సంగీత దర్శకుడు ప్రశాంత్ విహారి, ఎ.ఆర్. రహమాన్ మ్యూజిక్ స్కూల్‌లో శిక్షణ తీసుకున్న వ్యక్తి. వీరందరి కాంబినేషన్‌లో రూపుదిద్దుకున్న 'వెళ్ళిపోమాకే' చిత్రం సెప్టెంబర్ 2న విడుదల కాబోతోంది.