సచిన్ జోషి, ఇషా గుప్తా జంటగా నటించిన సినిమా 'వీడెవడు'. తెలుగు, తమిళ భాషల్లో తాతినేని సత్య దర్శకత్వంలో రైనా జోషి ఈ సినిమా నిర్మించారు. గతంలో తాను చేసిన మూడు చిత్రాలూ రీమేక్సే అని, తొలిసారి తెలుగులో స్ట్రయిట్ మూవీని డైరెక్ట్ చేశానని తాతినేని సత్య అన్నారు. డిఫరెంట్ కాన్సెప్ట్‌తో రూపుదిద్దుకున్న థ్రిల్లర్ మూవీ ఇదని, సెప్టెంబర్ 2న ప్రీ రిలీజ్ వేడుక చేయబోతున్నామని సి. కళ్యాణ్ అన్నారు. తాను పోషించిన పాత్రలో పాజిటివ్, నెగటివ్ షేడ్స్ ఉంటాయని సచిన్ చెప్పారు. సెప్టెంబర్ 8న తెలుగు, తమిళ భాషల్లో ఈ సినిమా జనం ముందుకు రాబోతోంది.