గురు మూవీ తర్వాత వెంకటేష్ కొత్తమూవీ ఓకే చేయలేదు. ట్రెండ్- జనరేషన్‌కు తగ్గ సబ్జెక్ట్స్ కోసం ఎదురుచూస్తున్న ఈ హీరో, రానాతో రీమేక్ మల్టీస్టారర్ చేయబోతున్నాడనే వార్తలు బలంగా వినిపించాయి. తాజాగా వెంకీ తానింతవరకూ చేయని పౌరాణికచిత్రం లైన్ విన్నాడని టాక్. గుణశేఖర్ డిజైన్ చేకుంటున్న పౌరాణిక మూవీలో హిరణ్యకశిపు పాత్ర రానా చేస్తాడని అనుకున్నా, ఇప్పుడు వెంకీ చేసే అవకాశం ఉందని సమాచారం.
గతంలో చిన్నపిల్లలతో 'రామాయణం' మూవీలో జూనియర్ ఎన్టీఆర్‌ను రాముడి పాత్రలో చూపి మెప్పించిన గుణ,ఈ మధ్య అనుష్కను రుద్రమదేవిగా చూపించాడు. ఫైనల్‌గా వెంకీ గ్రీన్‌సిగ్నల్ ఇస్తే 'హిరణ్యకశిప' మూవీ ప్రీ ప్రొడక్షన్ వర్క్స్ మొదలవుతాయని ఇన్‌సైడ్ టాక్.