హైదరాబాద్‌:హైదరాబాద్‌లో రోడ్డుపై ఉన్న కారులో ఒక్కసారిగా మంటలు చెలరేగాయి. లక్డీకపూల్‌లో వాహనంలో మంటలు రావడంతో.. చుట్టుపక్కల ఉన్న వాళ్లు ఆందోళన చెందారు. మంటలను ఆర్పడానికి ప్రయత్నించినా సాధ్యం కాలేదు. బేగంపేటకు చెందిన మహ్మద్ వాసిబ్‌కు చెందిన డస్టర్‌లో డ్రైవర్‌ వెళ్తుండగా ఈ ప్రమాదం జరిగింది. లక్డీకపూల్‌ దగ్గరకు రాగానే ఇంజన్‌లో మంటలు చెలరేగాయి. విపరీతంగా ఎగసిపడడంతో క్షణాల్లో కారు తగలబడిపోయింది.