తమిళ చిత్ర పరిశ్రమతోపాటు తెలుగులోనూ మంచి క్రేజ్‌ సంపాదించుకున్న కథానాయకుడు విశాల్‌. ఆయన సోదరి ఐశ్వర్య వివాహం ఆదివారం తెల్లవారుజామున ఘనంగా జరిగింది. ప్రముఖ నగల దుకాణం 'వుమ్మిడి' కుటుంబానికి చెందిన కృతిశ్‌ వుమ్మిడితో ఐశ్వర్య వివాహం జరిగింది. ఈ వేడుకకు హీరో కార్తి దంపతులతోపాటు పలువురు సినీ, రాజకీయ ప్రముఖులు హాజరయ్యారు. విశాల్‌ పెళ్లి పనులను దగ్గరుండి చూసుకున్నారు. దీనికి సంబంధించిన కొన్ని ఫొటోలు ప్రస్తుతం సోషల్‌మీడియాలో చక్కర్లు కొడుతున్నాయి. ఐశ్వర్య ప్రేమ వివాహం చేసుకున్నారు. గతంలో ఈ విషయాన్ని ఆమె బంధువు, నటి శ్రియా రెడ్డి మీడియాతో పంచుకున్నారు. 'అవును. ఇద్దరు ప్రేమించుకున్నారు. పెద్దల అంగీకారంతో వివాహం చేసుకోబోతున్నారు. ఇది వరకే ఇరు కుటుంబాలకు పరిచయాలు ఉన్నాయి' అని శ్రియ చెప్పారు.