తనీష్‌, శృతి యుగళ్‌ జంటగా నటించిన చిత్రం 'ప్రేమిక'. దేశా ల లక్ష్మయ్య ఈ చిత్రాన్ని నిర్మి సున్నారు. మహేంద్ర దర్శకు డు. దిలీప్‌ బండారి సంగీ తాన్ని అందించిన 'ప్రేమిక' పాటల విడుదల కార్యక్రమం హైదరాబాద్‌ రావినారాయణ రెడ్డి ఆడిటోరియంలో జరిగిం ది. ఈ కార్యక్రమానికి పలు వురు సినీ రాజకీయ ప్రముఖులు హాజరయ్యారు. ఆడియో విడుదల అనంతరం చిత్ర సమర్పకులు ఎస్వీఎన్‌ రావు మాట్లాడుతూ.'గ్రామీణ నేపథ్యంలో సాగే ప్రేమ కథ ఇది. అమ్మాయిలతో ఉండాలంటే ప్రేమిస్తే సరిపోద్దని కొందరు యువకులు భావిస్తుంటారు. కానీ పోషించాలంటే డబ్బు కావాలనే విషయం తెలుసుకున్నాక..వాళ్ల ఆలోచనలు మార్పులు వస్తాయి. ప్రేమలో, జీవితంలో ఈ యువత ఎలా గెలిచారన్నది కథలో చూపిస్తున్నాం.' అన్నారు. చిత్ర దర్శకుడు మహేంద్ర మాట్లాడుతూ.'ఇది నా మొదటి చిత్రం. మంచి కథతో మీ ముందుకొస్తున్నాను. నిర్మాత సహకారం మర్చిపోలేను. మొత్తం యూనిట్‌ అందరికీ కృతజ్ఞతలు.' అన్నారు.
నిర్మాత దేశాల లక్ష్మయ్య మాట్లాడు తూ..'చిన్న చిత్రంగా కాదు పెద్ద సినిమాగానే భావించి నిర్మించాం. రాత్రి పగలు తేడా లేకుండా కష్టపడి సినిమాను పూర్తి చేశాం. సెప్టెంబర్‌ 8న తెరపైకి తీసుకొస్తాం.' అన్నారు. కథానాయకుడు తనీష్‌ మాట్లాడుతూ.'మహేందర్‌ కథ చెప్పినప్పుడు ఇంత మంచి కథ చెప్పినట్లు చేయగలడా అని సందేహం కలిగింది.
నా కెరీర్‌లో గొప్ప కథను అందించిన దర్శకుడికి కృతజ్ఞతలు. సాంకేతిక వర్గం, నటీనటులు ఒక్కటిగా శ్రమించి సినిమా చేశాం.' అన్నారు.