జెడ్డాలో సెక్యూరిటీ అథారిటీస్‌, ఇద్దరు సభ్యులుగల మాదక ద్రవ్యాల ముఠాని అడ్డుకున్నారు. వారి నుంచి 'షాబు' నార్కోటిక్‌ని స్వాధీనం చేసుకున్నారు. కింగ్‌డమ్‌లోకి మాదకద్రవ్యాల్ని సరఫరా చేస్తూ నిందితులు పట్టుబడినట్లు అధికారులు తెలిపారు. హజ్‌ సీజన్‌ని అనుకూలంగా మార్చుకునేందుకు వీరు ప్రయత్నించారు. ఇంటీరియర్‌ మినిస్ట్రీ - సెక్యూరిటీ స్పోక్స్‌ పర్సన్‌ మేజర్‌ జనరల్‌ మన్సౌర్‌ అల్‌ టుర్కి మాట్లాడుతూ, హజ్‌ సీజన్‌ సందర్బంగా కొందరు అక్రమార్కులు అడ్వాంటేజ్‌ తీసుకునేందుకు ప్రయత్నిస్తున్నారన్న సమాచారంతో భద్రతను కట్టుదిట్టం చేసి, ఎప్పటికప్పుడు తనిఖీలు నిర్వహిస్తున్నామని ఈ క్రమంలోనే ఈ ముఠా గుట్టు రట్టయ్యిందని వివరించారు. అరెస్టయినవారిలో ఒకరు పాకిస్తానీ కాగా, మరొకరు ఫిలిప్పీనీ. వారి నుంచి 4.3 కిలోల రా షాబుని స్వాధీనం చేసుకున్నారు.