ప్రపంచంలోనే అతి పెద్ద టైర్ల తయారీ కంపెనీ బ్రిడ్జ్‌స్టోన్‌.. బ్యాడ్మింటన్ క్రీడాకారిణి పీవీ సింధుతో బ్రాండ్ అండార్స్‌మెంట్ కుదుర్చుకుంది. ప్రపంచవ్యాప్తంగా ఒలింపిక్స్ భాగస్వామిగా ఉన్న బ్రిడ్జ్‌స్టోన్.. రియో ఒలింపిక్స్‌లో సిల్వర్ మెడల్ గెలుచుకున్న పీవీ సింధును ప్రచారకర్తగా ఎంచుకుంది. భారత్‌లో ఈ టైర్ల కంపెనీకి తొలి అంబాసిడర్‌ పీవీ సింధు కావడం విశేషం. వ్యాపార కార్యకలాపాలతో పాటు.. కార్పొరేట్ సోషల్ రెస్పాన్సిబిలిటీ, ఒలింపిక్ విలువను పెంచే ఈవెంట్స్‌లోనూ తాను పాల్గొంటానని.. పీవీ సింధు తెలిపింది. నిలకడ.. పని తీరు.. అంకితభావం.. తనకు మాదిరిగానే ఈ కంపెనీలో కూడా ఉంటాయని.. అందుకే ప్రచారం చేయబోతున్నానని చెబుతోంది పీవీ సింధు.