మనామా: బహ్రెయిన్‌ ప్రధాని ప్రిన్స్‌ ఖలీఫా బిన్‌ సల్మాన్‌ అల్‌ ఖలీఫా, తీవ్రవాదం సహా పలు అంశాల్లో అరబ్‌ సమాజం నుంచి దక్కుతోన్న సహకారం పట్ల హర్షం వ్యక్తం చేశారు. ఈ సహకారం మరింతగా కొనసాగాలని ఆయన ఆకాంక్షించారు. తీవ్రవాదాన్ని అణచివేయడానికి ఉమ్మడి పోరు అవసరమని అభిప్రాయపడ్డారు ప్రిన్స్‌ ఖలీఫా. అరబ్‌ సమాజానికి సంబంధించినంతవరకు ఏ దేశానికైనా సహాయ సహకారాలు అందించేందుకు బహ్రెయిన్‌ ఎప్పుడూ సిద్ధంగా ఉంటుందని చెప్పారాయన. పరస్పర సహకారంతో అనేక అంశాల్లో ముందడుగు వేయడానికి ఆస్కారం ఉంటుందనీ, స్థిరమైన అభివృద్ధి సాధించే క్రమంలో అసాంఘీక శక్తుల్ని ఖచ్చితంగా అణచివేయాల్సి ఉంటుందని ప్రిన్స్‌ ఖలీఫా చెప్పారు. అరబ్‌ సహకార బంధం భవిష్యత్తులో ఇంకా ధృఢమవుతుందనే ఆశాభాం వ్యక్తం చేశారాయన.