మాస్కోలో జరిగిన ఎయిర్ షోలో ఒక ప్లేన్ కుప్పకూలడంతో ఇద్దరు పైలెట్లు మృతి చెందారు. సోవియట్ ఎరాకు చెందిన ఈ విమానం కూలడంతో ఇద్దరు పైలెట్లు అక్కడికక్కడే చనిపోయారు. మాస్కో శివార్లలో ఉన్న శాటిలైట్ టౌన్ దగ్గర ఎయిర్ ఫీల్డ్ లో ఎయిర్ షోలో ఈ ఘోరం జరిగింది. విన్యాసాలు ప్రదర్శిస్తున్న వింటేజ్ ఎఎన్-2  విమానం హఠాత్తుగా కూలిపోయింది. విమానం పొలాల్లో కూలడంతో  పెద్ద ప్రమాదం తప్పింది. 
విమానం ప్రొపెల్లర్ పేలిపోవడాన్ని ప్రేక్షకులు చూసినట్టు రష్యా మీడియా తెలిపింది. ఈ సింగిల్ ఇంజన్ ఎఎన్-2 విమానం తయారీ రెండో ప్రపంచ యుద్ధం తర్వాత కొన్ని రోజులకు మొదలైంది. వీటిని ప్రస్తుతం రవాణాకు, పొలాలకు మందులు కొట్టడానికి ఉపయోగిస్తున్నారు.