అమెరికాలోని లాస్ఏంజిల్స్ అటవీ ప్రాంతంలో భారీగా మంటలు చెలరేగాయి. లాట్యూనా కెనియన్ లోని అటవీ ప్రాంతంలో కార్చిచ్చు రేగింది. భారీగా చెలరేగిన మంటలు.. చుట్టుపక్కల ప్రాంతాలకు వ్యాపించాయి. దీంతో అప్రమత్తమైన అధికారులు  సమీపంలోని నివాస ప్రాంతాలను ఖాళీ చేయించి సురక్షిత ప్రాంతాలకు తరలిస్తున్నారు. ఇప్పటివరకు 5వేల ఎకరాల అటవీ ప్రాంతం మంటల్లో కాలి బూడిదైంది. వందలాది అగ్నిమాపక వాహనాలతోపాటు, హెలికాప్టర్లతో మంటలను ఆర్పేందుకు ప్రయత్నిస్తున్నారు. తీవ్రమైన మంటల కారణంగా చుట్టుపక్కల ప్రాంతాల్లో వాతావణం గరిష్టస్థాయికి చేరిందని అధికారులు తెలిపారు. లాస్ ఏంజిల్స్ చరిత్రలోనే ఇది భారీ అగ్నిప్రమాదమని అధికారులు అన్నారు.