చైనా వేదికగా జరుగుతున్న బ్రిక్స్ దేశాల సమావేశం ప్రారంభమైంది. సోమవారం ఉదయం జియామెన్ అంతర్జాతీయ కాన్ఫరెన్స్ సెంటర్‌కు వెళ్లిన ప్రధాని మోదీకి చైనా అధ్యక్షుడు జిన్‌పింగ్ ఘన స్వాగతం పలికారు. సమావేశానికి ముందు రష్యా అధ్యక్షుడు వ్లాదిమిర్ పుతిన్, బ్రెజిల్ అధ్యక్షుడు మైకెల్ టెమర్ సహా బ్రిక్స్ దేశాధినేతలంతా కలిసి గ్రూఫ్ ఫోటో దిగారు. కాగా బిక్స్ సమావేశాల సందర్భంగా రష్యా అధ్యక్షుడు వ్లాదిమిర్ పుతిన్, బ్రెజిల్ అధ్యక్షుడు టెమర్‌తో ప్రధాని మోదీ విడివిడిగా సమావేశమై దైత్య చర్చలు జరపనున్నారు. వీరితో పాటు చైనా అధ్యక్షుడితోనూ ప్రధాని మోదీ సమావేశం కానున్నట్టు సమాచారం. చైనా, భారత భద్రతా దళాల మధ్య డోక్లాం వద్ద దాదాపు రెండున్నర నెలల పాటు కొనసాగిన ప్రతిష్టంభనకు తెరపడిన కొద్ది రోజులకే ఇరు దేశాధినేతలు సమావేశం కానుండడంపై విశేష ఆసక్తి నెలకొంది.