ఫుజేరా: నేషనల్‌ బ్యాంక్‌ ఆఫ్‌ ఫుజేరా (ఎన్‌బిఎఫ్‌), మొట్టమొదటి లాంగ్‌ డిస్టెన్స్‌ రన్నింగ్‌ ఈవెంట్‌ని డిసెంబర్‌ 1న నిర్వహించనుంది. నేషనల్‌ డే సెలబ్రేషన్స్‌లో భాగంగా ఈ ఈవెంట్‌ని ఏర్పాటు చేశారు. టాప్‌ త్రీ విన్నర్స్‌కి అవార్డులను అందజేస్తారు. వివిధ ఏజ్‌ గ్రూప్‌లకు సంబంధించి, 3, 5, 10 కిలోమీటర్ల రేసుల్లో ఈ బహుమతుల్ని ఇవ్వడం జరుగుతుంది. 10 కిలోమీటర్ల రేసుని పూర్తి చేసిన టాప్‌ 10 పార్టిసిపెంట్లకు క్యాష్‌ ప్రైజ్‌లు కూడా అందజేస్తారు. టాప్‌ ప్లేస్‌లో ఉన్నవారికి 10,000 దిర్హామ్‌లు, రన్నర్స్‌కి 500 నుంచి 7,500 దిర్హామ్‌ల వరకు బహుమతులుగా ఇవ్వడం జరుగుతుంది. టాప్‌ 3 ఎమిరేటీ మేల్‌ మరియు ఫిమేల్‌ ఫినిషర్స్‌ (10 కిలోమీటర్లు) ఒక్కొక్కరికి 1,000 నుంచి 5,000 దిర్హామ్‌ల వరకు అందుతుంది. ఫినిష్‌ లైన్‌ పూర్తి చేసినవారందరికీ ప్రత్యేక గుర్తింపు ప్రశంసా పత్రాల్ని అందిస్తారు.