టి.సుబ్బరామిరెడ్డి ల‌లిత క‌ళా ప‌రిషత్ వారి ఆధ్వ‌ర్యంలో టి.సుబ్బ‌రామిరెడ్డి పుట్టిన‌రోజు సెప్టెంబ‌ర్ 16, 17 తేదీల్లో వైజాగ్‌లో ప‌లు కార్య‌క్ర‌మాలు జ‌రుగ‌నున్నాయి. సెప్టెంబ‌ర్ 17న సినీ రంగానికి అరవైయేళ్లుగా సేవ‌లు అందించిన సీనియ‌ర్ న‌టి జ‌మున‌కు న‌వ‌ర‌స న‌ట క‌ళావాహిని అవార్డును అంద‌జేయ‌నున్నారు. అలాగే  సెప్టెంబ‌ర్ 16న అన్ని మతాలకు చెందిన పలువురు మత గురువులకు సన్మానకార్యక్రమం జరగనుంది. ఈ కార్యక్రమంలో సీనియ‌ర్ న‌టీన‌టులు బి.స‌రోజాదేవి, కాంచ‌న‌, వాణిశ్రీ, శార‌ద‌, జ‌య‌ప్ర‌ద‌, శ్రీదేవి, మోహ‌న్‌బాబు, బ్ర‌హ్మానందం, బోనీక‌పూర్, రాజ‌శేఖ‌ర్‌, జీవిత‌ త‌దిత‌రులు పాల్గొన‌నున్నారు.