'2.0' కౌంట్‌డౌన్‌ మొదలైంది 
సూపర్‌స్టార్‌ రజనీకాంత్‌ కథానాయకుడిగానటిస్తున్న చిత్రం '2.0'. శంకర్‌ దర్శకుడు. ఈ చిత్రానికి సంబంధించిన ఆసక్తికర విషయాలను చిత్రబృందం సోషల్‌మీడియా ద్వారా వెల్లడించింది. ఈ సినిమా ఆడియో అక్టోబర్‌లో దుబాయ్‌లో ఆవిష్కరించనున్నట్లు ట్విటర్‌ ద్వారా పేర్కొంది.
ఇక టీజర్‌ను నవంబర్‌లో హైదరాబాద్‌లో విడుదల చేస్తున్నారు. ట్రైలర్‌ మాత్రం చెన్నైలో డిసెంబర్‌లో తలైవా పుట్టినరోజుకి విడుదల చేయనున్నారు. ఈ చిత్రంలో రజనీకి జోడీగా అమీజాక్సన్‌ నటిస్తోంది. బాలీవుడ్‌ నటుడు అక్షయ్‌కుమార్‌ ప్రతినాయకుడి పాత్రలో నటిస్తున్నారు. 2018 జనవరిలో ఈ చిత్రం ప్రేక్షకుల ముందుకు రానుంది.