కొన్నేళ్ల క్రితం హోమ్లీ, గ్లామరస్‌ పాత్రలతో మెప్పించిన సదా ప్రస్తుతం అవకాశాలు లేక సతమతమవుతోంది. ఇప్పుడు ఆమె చేతిలో ఒకే ఒక్క చిత్రం 'టార్చ్‌లైట్‌'. 1980ల నాటి నేపథ్యంతో ఈ చిత్రం రూపొందుతోంది. ఈ సినిమాలో నటీనటులు ధరించే దస్తులు, లొకేషన్లు అన్నీ ఆనాటి వాతావరణానికి తగ్గట్టే ఉంటాయట. ఇందులో సదా వేశ్య పాత్రలో నటిస్తుండగా, ఆమె ఆహార్యం కూడా వైవిధ్యంగా ఉండబోతుందని యూనిట్‌ సభ్యులు చెబుతున్నారు. తిరునల్వేలి, కుట్రాలం పరిసరాల్లో గ్రామాల్లో ఈ చిత్రం షూటింగ్‌ జరుగుతోంది. జీవితంపై ఎన్నో కలలు ఉన్న ఒక అమ్మాయి వేశ్యగా ఎలా మారింది? అందుకు దారితీసిన పరిస్థితులేంటి? అన్న కథతో దర్శకుడు మజీద్‌ ఈ చిత్రాన్ని తెరకెక్కిస్తున్నారు. వేశ్య పాత్రలో నటించేందుకు మొదట సంశయించినా దర్శకుడు చెప్పిన కథ విన్నాక కళ్లలో నీళ్లు తిరిగాయని, వెంటనే ఓకే చెప్పేశానని సదా చెబుతోంది.