పా.రంజిత్‌ దర్శకత్వంలో రజనీకాంత్‌ నటిస్తున్న 'కాలా' తారాగణంలో మరో సీనియర్‌ నటుడు చేశారు. బాలీవుడ్‌ నటుడు నానా పటేకర్‌, తమిళ దర్శక నటుడు సముద్రగని తరహాలోనే కథలో ముఖ్యమైన మరో పాత్రలో షాయాజి షిండే నటిస్తున్నారు. ముంబై డాన్‌ కథతో తెరకెక్కుతున్న ఈ చిత్రంలో షాయాజీ షిండే పాత్ర వైవిధ్యంగా ఉంటుందని తెలుస్తోంది. విశేషమేమిటంటే.. దాదాపు 15 ఏళ్ల తరువాత రజనీకాంత్‌తో కలిసి షాయాజీ నటిస్తున్నారు. చివరిగా 2002లో వచ్చిన 'బాబా' చిత్రంలో దివ్యానంద భారతి అనే స్వామీజీ కథాపాత్రలో షాయాజీ నటించారు. మళ్లీ ఇన్నేళ్ల తరువాత రజనీకాంత్‌తో కలిసి నటించడం చాలా ఆనందంగా ఉందని, ఆయనతో నటించిన ప్రతి క్షణాన్ని ఎంతో ఆస్వాదిస్తున్నానని ఆయన ఆనందం వ్యక్తం చేస్తున్నారు.