ఈ నెల 8 నుంచి అమీర్‌పేట సారథి స్టూడియో కన్నడ ఫిల్మ్‌ ఫెస్టివల్‌ జరగనుంది. కర్ణాటక చలనచిత్ర అకాడమీ, హైదరాబాద్‌ ఫిలిం క్లబ్‌, సారథి స్టూడియోస్‌ సంయుక్తంగా నిర్వహించే ఫిలిం ఫెస్టివల్‌కు సంబంధించిన వివరాలను ఫిలించాంబర్‌లో గురువారం ఏర్పాటు చేసిన విలేకరుల సమావేశంలో ఫిలిం ఫెడరేషన్‌ ఆఫ్‌ ఇండియా అఽధ్యక్షుడు సి కళ్యాణ్‌ వివరించారు. ఇలాంటి ఫెస్టివల్స్‌ వల్ల తెలుగు పరిశ్రమకు మంచి ఆదాయం వస్తుందన్నారు. కర్ణాటక చలన చిత్ర అకాడమీ చైర్మన్‌ రాజేంద్రసింగ్‌బాబు మాట్లాడుతూ కన్నడ సినీ రంగంలో నూతన అధ్యాయం ఆరంభమైందన్నారు. ఈ కార్యక్రమంలో సారథీస్టూడియోస్‌ నిర్వాహకులు కేవీరావు, దర్శక నిర్మాత పవన్‌కుమార్‌,తెలుగు ఫిలిం ఛాంబర్‌ అధ్యక్షుడు కిరణ్‌ తదితరులు పాల్గొన్నారు.