ఆమిర్‌ ఖాన్‌ మంచి నటుడు, దర్శకుడు, వైవిధ్య చిత్రాల నిర్మాత. వీటికి అదనంగా మరో విభాగంలోకి అడుగుపెడుతున్నాడు. అదే సినీ పంపిణీ రంగం. అవును సినిమాల పంపిణీ రంగంలోకి మిస్టర్‌ పర్ఫెక్ట్‌ అడుగుపెట్టబోతున్నాడు. వరుస సినిమాలతో బిజీగా ఉంటూనే... డిస్ట్రిబ్యూషన్‌లోనూ ఓ చెయ్యి వేయాలని చూస్తున్నాడు. దీనికి సంబంధించిన పనులు మొదలయ్యాయి. ఈ సంస్థ ద్వారా కాన్సెప్ట్‌ ఆధారిత సినిమాలను పంపిణీ చేయాలని అనుకుంటున్నాడట ఆమిర్‌. రెడ్‌ చిల్లీస్‌ ద్వారా ఇప్పటికే షారుఖ్‌ ఖాన్‌ పంపిణీ రంగంలో ఉన్నాడు. ఇప్పుడు ఆమిర్‌ రాబోతున్నాడు. దీంతో అక్కడ కూడా ఖాన్‌ల పోటీ నెలకొనబోతోందా అని బాలీవుడ్‌ వర్గాలు అనుకుంటున్నాయి.
సినిమాల విషయానికొస్తే... ఆమిర్‌ ఖాన్‌ కీలకపాత్రలో నటించిన 'సీక్రెట్‌ సూపర్‌స్టార్‌' వచ్చే నెల 19న విడుదలవుతోంది. దీంతోపాటు 'థగ్స్‌ ఆఫ్‌ హిందుస్థాన్‌'లో ఆమిర్‌ కథానాయకుడిగా నటిస్తున్నాడు. ఇందులో అమితాబ్‌ బచ్చన్‌ కీలకపాత్రధారి.