ఒక సారి సినిమా రిలీజ్ డేట్ మారిందంటే..ఆ తర్వాత మరో డేట్ ఫిక్స్ చేసుకోవడం ప్రస్తుతం చాలా కష్టంగా మారింది. ఎందుకంటే ప్రతి శుక్రవారం ఖచ్చితంగా మూడు నాలుగు సినిమాలు వస్తున్నాయి. దీంతో పోటీ తక్కువగా ఉన్నప్పుడు రిలీజ్ చేయాలంటే ఖచ్చితంగా వాయిదాల బాటలో నడవాల్సిందే. ఇప్పుడు జవాన్ పరిస్థితి ఇలాగే ఉంది. ఈ మూవీ అక్టోబర్ చివరికి పోస్ట్ పోన్ అయ్యింది. సాయిధరమ్ తేజ్ కొత్త సినిమా జవాన్. బివిఎస్ రవి దర్శకత్వంలో రూపొందుతున్న ఈ మూవీలో మెహ్రీన్ కౌర్ హీరోయిన్. ఈ మూవీలో తేజూ ఆర్మీ ఆఫీసర్ గా కనిపిస్తాడనే టాక్ వినిపిస్తోంది. ఆల్ రెడీ రిలీజైన ఫస్ట్ లుక్ స్టిల్స్, టీజర్ తో సినిమాపై ఇంట్రెస్ట్ క్రియేట్ అయ్యింది. గత చిత్రాలు నిరాశపరచడంతో తేజూ... జవాన్ పై చాలా ఆశలు పెట్టుకున్నాడు.
జవాన్ మూవీని సెప్టెంబర్ 1న రిలీజ్ చేయడానికి డేట్ ఫిక్స్ చేసింది టీమ్. కానీ అదే డేట్ కి బాలకృష్ణ పైసా వసూల్ తో వచ్చాడు. దీనికంటే ముఖ్యమైన కారణం... ఆ సినిమాకి కొన్ని సీన్లు రీ షూట్ చేయాల్సిందిగా డిస్ట్రిబ్యూటర్ దిల్ రాజు సజెస్ట్ చేశాడు. దీంతో జవాన్ టీమ్ ప్రజెంట్ అదే పనిలో ఉంది. అందుకే సినిమా మరింత ఆలస్యం అవుతోంది. కానీ ఇప్పటి నుంచి దీపావళి వరకు సినిమాలు వరుసగా వస్తుండటంతో, జవాన్ ని అక్టోబర్ ఎండింగ్ లో రిలీజ్ చేయడానికి చిత్ర యూనిట్ ప్రయత్నిస్తోంది.