తెలంగాణ విదేశీ ఉద్యోగ కల్పన సంస్థ (టామ్‌కామ్‌) వారు సౌదీ అరేబియాలోని ప్రఖ్యాత కంపెనీ కోసం ప్రముఖ ఆధ్యాత్మిక క్షేత్రమైన మక్కామదీనాలో జానీటర్స్‌గా పనిచేసేందుకు ముస్లిం మహిళల నుంచి దరఖాస్తులు ఆహ్వానిస్తున్నట్లు జిల్లా ఉపాధి కల్పన అధికారి ఓ ప్రకటనలో పేర్కొన్నారు. 30-45 సంవత్సరాల లోపు వయస్సు గల ముస్లిం మహిళలు అర్హులుగా తెలిపారు. నెలసరి జీతం సౌదీ అరేబియా సిరాల్‌ (ఎస్‌.ఆర్‌) 1500 అనగా భారతీయ కరెన్సీ ప్రకారం నెలకు రూ.25,500 జీతం ఉంటుందన్నారు. ఈ నెల 14, 15వ తేదీల్లో మల్లేపల్లి ప్రభుత్వ ఐ.టి.ఐ కాంప్లెక్స్‌లోని టామ్‌కామ్‌ కార్యాలయంలో ఉదయం 10.30గంటల నుంచి సాయంత్రం 5గంటల వరకూ ఇంటర్వ్యూలు నిర్వహించనున్నట్లు పేర్కొన్నారు. దరఖాస్తు, పూర్తి వివరాల కోసం ఫోన్‌ నంబర్లు 7997973358, 7997973346లో సంప్రదించాల్సిందిగా సూచించారు.