హీరోగా మారిన తరువాత సునీల్‌కి ఈ మధ్య సక్సెస్ లేకుండాపోయింది. సునీల్ రీసెంట్ రిలీజ్ 'ఉంగరాల రాంబాబు' కూడా ఫ్లాప్ జాబితాలోకి చేరిపోయింది. దాంతో హీరోగా సునీల్ మార్కెట్ కూడా అమాంతం తగ్గింది. వరుసగా ఫ్లాప్స్ పలకరించడంతో సునీల్ ఇక నుండి కమెడియన్‌గా కూడా చేయాలని డిసైడ్ అయ్యాడట. దాంతో సునీల్ మళ్ళీ కమెడియన్‌గా బిజీ కావడం పక్కా అనే టాక్ వినిపిస్తోంది.

ఇక మెగాస్టార్ చిరంజీవి చారిత్రాత్మక చిత్రం 'సైరా'లో సునీల్ నటించబోతున్నాడనేది లేటెస్ట్ న్యూస్. ఐతే.. ఎమోషనల్‌గా సాగే 'సైరా'లో సునీల్ చేస్తోంది కమెడియన్ రోలేనా..? అనేది తెలియాల్సి వుంది. తరువాత తన ఫ్రెండ్ త్రివిక్రమ్ డైరెక్షన్‌లో కూడా సునీల్ కమెడియన్‌గానే కనిపించబోతున్నట్లు సమాచారం. మరోవైపు.. సునీల్ కథానాయకుడిగా చేస్తోన్న 'టు స్టేట్స్' రిలీజ్‌కి రెడీ అవుతోంది.