ఎప్పుడూ పేషెంట్లు, సర్జరీలతో బిజీగా ఉండే డాక్టర్లు క్రికెట్ మైదానంలో సత్తా చాటేందుకు సిధ్ధమవుతున్నారు.మైటీ స్పోర్ట్స్ ఆధ్వర్యంలో నేషనల్ డాక్టర్స్ క్రికెట్ లీగ్‌కు వచ్చే వారం తెరలేవనుంది. గత ఐదేళ్ళుగా తెలంగాణాకు పరిమితమైన ఈ లీగ్‌ను తొలిసారి జాతీయ స్థాయిలో నిర్వహించబోతున్నారు. లీగ్‌లో హైదరాబాద్ నుంచి రెండు జట్లు బరిలోకి దిగుతుండగా.. మహారాష్ట్ర,కేరళ,మైసూర్‌,ఢిల్లీ, ఆంధ్రప్రదేశ్‌తో పాటు మణిపూర్, జైపూర్ నుంచి కూడా డాక్టర్స్ టీమ్స్ ఆడనున్నాయి. ఈ లీగ్‌కు సంబంధించిన టీమ్స్ జెర్సీలను భారత మాజీ కెప్టెన్ అజారుద్దీన్ ఆవిష్కరించారు. జాతీయ స్థాయిలో టోర్నీ ఏర్పాటు చేయాలన్న తన సూచనను పరిగణలోకి తీసుకున్న మైటీ స్పోర్ట్స్‌ను అజారుద్దీన్ అభినందించారు.