విజయవాడ: ప్రపంచ పర్యావరణ దినోత్సవం సందర్భంగా ఆంధ్రప్రదేశ్ గవర్నర్ ఎస్. అబ్దుల్ నజీర్ శుక్రవారం ఇక్కడ లోక్‌భవన్ ఆవరణలో ఎర్ర జామ మొక్కను నాటారు.

ఈ సందర్భంగా గవర్నర్ అబ్దుల్ నజీర్ మాట్లాడుతూ, పెరుగుతున్న ప్రపంచ ఉష్ణోగ్రతలు, తీవ్రమైన వాతావరణ పరిస్థితులు, పర్యావరణ క్షీణతను తగ్గించడానికి చర్యలను వేగవంతం చేయడంపై ప్రాథమికంగా దృష్టి సారించాలని కోరారు.ఈ సంవత్సరం ప్రపంచ పర్యావరణ దినోత్సవాన్ని ‘ప్రకృతి స్ఫూర్తితో. వాతావరణం కోసం. మన భవిష్యత్తు కోసం’ అనే ఇతివృత్తంతో జరుపుకుంటున్నామని అన్నారు. పర్యావరణ పరిరక్షణ మరియు సుస్థిర జీవనంపై అవగాహన పెంచడానికి నిర్వహించే ప్రచారంలో ప్రతి ఒక్కరూ భాగం కావాలని గవర్నర్ కోరారు.
ఈ కార్యక్రమంలో గవర్నర్  సంయుక్త కార్యదర్శి పి.ఎస్.సూర్య ప్రకాష్, ఉప కార్యదర్శి రఘు, లోక్‌భవన్ అధికారులు మరియు సిబ్బంది పాల్గొన్నారు.