బాంబు పేల్చడం ద్వారా విధ్వంసం సృష్టించాలనుకున్న ఇండోనేసియాకి చెందిన ముహమ్మద్‌ నుర్‌ సోలిహిన్‌కి 11 ఏళ్ళ జైలు శిక్ష విధించింది న్యాయస్థానం. ఇస్లామిక్‌ మిలిటెంట్‌ అయిన ముహమ్మద్‌, తన భార్యను సూసైడ్‌ బాంబర్‌గా మలచాడు. ఆమెకు ఏడేళ్ళ జైలు శిక్ష విధించింది న్యాయస్థానం. కౌంటర్‌ టెర్రరిజం పోలీసులు సోలిహిన్‌, ఆయన భార్య నోవి ఉంటోన్న నివాస ప్రాంతంపై ఆకస్మిక తనిఖీ నిర్వహించి వారిని అదుపులోకి తీసుకున్నారు. వారి నుంచి పెద్ద మొత్తంలో పేలుడు పదార్థాల్ని స్వాధీనం చేసుకున్నారు. ఇస్లామిక్‌ స్టేట్‌ ప్రేరణతో ఈ దాడికి వారు ప్లాన్‌ చేశారు. విచారణలో నిందితుడు నేరం అంగీకరించాడు.